Komisioni Qendror Zgjedhor ka marrë një vendim të ri.
Ky institucion ka vendosur për të rinumëruar votat në 10 komuna.
Siç raporton KOHA, KQZ-ja ka vendosur që rinumërimi të ndodh në dhjetë komuna, përfshirë 100 për qind të kutive në disa prej komunave.
“Deri dje, 12 janar, janë verifikuar 33 vendvotime, ku rezulton se votat e kandidatëve të numëruara në Qendrat Komunale të Numërimit nuk pasqyrojnë numrin e votave të kandidatëve të evidentuara në fletëvotime”, ka njoftuar KQZ-ja.
Bazuar në këto gjetje, KQZ-ja ka vendosur që në 10 komuna të rinumërohen 100% e vendvotimeve. Këto komuna janë: Dragash, Kaçanik, Leposaviq, Prizren, Skenderaj, Shtime, Ferizaj, Vushtrri, Mamushë dhe Ranillugu.
