Veton Surroi, publicist dhe shkrimtar, ka shkruar një opinion, që u botua në KOHA, ku foli për momentin historik të vitit 1989 dhe gjendjen aktuale gjeopolitike.
Sipas Surroit, në vitin 1989, Kosova zgjodhi demokracinë.
Tutje, Surroi ka vlerësuar se identiteti euro-atlantik është i natyrshëm për shumicën e qytetarëve të Kosovës.
“Çfarëdo që të jetë duke ndodhur në rirregullimin gjeopolitik, ardhmëria e Kosovës në çerekun e dytë të këtij shekulli duhet të jetë realizimi i plotë i identitetit të saj euroatlantik, çfarëdo që të jetë evolucioni i mëtejmë i idesë evropiane dhe i Aleancës Veriatlantike. Arsyeja është e thjeshtë: identiteti evropian dhe euroatlantik i Kosovës është shtrati i natyrshëm i identitetit të shumicës dërrmuese të qytetarëve të saj. Dhe, për më tepër, ky identitet dhe kjo përzgjedhje nuk varet fare me atë se çfarë do të zgjedhë Serbia” – ka shkruar Surroi, ndër të tjera.
