Raportohet se vendi do të jetë pjesë e misionit shumëkombësh që synon përforcimin e armëpushimit dhe çarmatosjen e Hamasit
Mediumi izraelit i24NEWS ka raportuar se Izraeli ka konfirmuar përfshirjen e Kosova dhe Kazakistani në Forcën Ndërkombëtare të Stabilizimit (ISF) në Gaza. Sipas raportimit, këto dy shtete do t’u bashkohen Shqipëria, Greqia, Maroku dhe Indonezia në këtë mision shumëkombësh.
Forca pritet të bëhet operacionale në muajin maj dhe do të ketë për qëllim përforcimin e armëpushimit në Gaza, si dhe çarmatosjen e Hamasit.
Ky zhvillim vjen pasi Kosova u bë pjesë e nismës së presidentit amerikan Donald Trump, e njohur si “Bordi i Paqes”, iniciativë që synon mbikëqyrjen e rindërtimit të Gazës dhe potencialisht adresimin e konflikteve të tjera ndërkombëtare.
Pak ditë më parë, presidentja e Kosovës, Vjosa Osmani, u takua me homologun amerikan në Davos, ku u nënshkrua akti i themelimit të këtij bordi. Raportohet gjithashtu se Osmani është nisur drejt Shtetet e Bashkuara, për të marrë pjesë në mbledhjen zyrtare të themelimit të Bordit në Uashington.
Deri më tani, nuk ka pasur konfirmim zyrtar nga institucionet e Kosovës lidhur me detajet e angazhimit eventual në këtë forcë stabilizuese.
