Ramush Haradinaj, ish-komandant i Zonës Operative të Dukagjinit në kuadër të UÇK-së, ka folur në lidhje me betejën e Glloganit, që ndodhi më 24 mars 1998.
Në Klan Kosova, Haradinaj ka rrëfyer në detaje për luftimet me Serbinë, duke treguar se ishte plagosur dy herë gjatë kësaj beteje, që tash njihet si “Epopeja e Dukagjinit”.
“Diku tetë orë, por kanë qenë sa tetë vjet, të gjata shumë. Na u harxhojke edhe municioni. Histori e gjatë, ditë e gjatë, ditë lufte, kemi luftu edhe në afërsi, kemi luftu. Atë ditë siç thotë edhe populli Zoti ka qenë me ne” – rrëfeu Haradinaj, transmeton Gazeta Politika
