Deputetja e AAK-së, Meliza Haradinaj, ka deklaruar se nuk është në interes të demokracisë që e njëjta parti të kontrollojë njëkohësisht edhe Qeverinë, edhe Presidencën.
Përmes një reagimi publik, ajo e cilësoi Presidencën si “lavjerrësin e pushteteve”, duke theksuar rëndësinë e ruajtjes së balancës institucionale.
“Presidenca është lavjerrësi i pushteteve dhe nuk është e shëndetshme për demokracinë që partia që udhëheq me Ekzekutivin të kontrollojë edhe Presidencën”, ka deklaruar Haradinaj.
Sipas saj, ndarja dhe balancimi i pushteteve mbeten elemente kyçe për funksionimin demokratik të shtetit.
