63 minatorë të Trepçës kanë mbetur të ngujuar të mërkurën mbrëma.
Kryetari i Sindikatës së Minatorëve, Ibrahim Januzi, ka thënë se kjo ka ndodhur për shkak të një defekti me energjinë elektrike. Siç ka thënë ai, ata janë punëtorët e ndërrimit të dytë.
Januzi ka shtuar tutje se minatorët kanë mbetur të ngujuar në Tunelin e Parë.
“Për shkak të një defekti me energjinë elektrike, rreth 60-63 minatorë të ndërrimit të dytë kanë mbetur të ngujuar”, i tha KOHËS shkurt ai, duke shtuar se po punohet për nxjerrjen e tyre.
