Kryetari i Dragashit nga radhët e LDK-së siguron 873 vota nga diaspora, duke kryesuar bindshëm ndaj kandidatëve të tjerë në balotazh.
Bexhet Xheladini, kryetari aktual i komunës së Dragashit dhe kandidat i Lidhjes Demokratike të Kosovës, është shpallur kandidati më i votuar nga diaspora në rundin e dytë të zgjedhjeve lokale. Ai ka grumbulluar gjithsej 873 vota nga votuesit jashtë vendit, duke lënë pas të gjithë kandidatët e 17 komunave që garuan në balotazh më 9 nëntor, raporton Klankosova.tv.
Sipas të dhënave të përmbledhura nga Komisioni Qendror i Zgjedhjeve, Xheladini ka siguruar 59.19% të votave totale, duke mposhtur kështu rivalin e tij nga Partia Demokratike e Kosovës, Shaban Shabani. Ky rezultat nga diaspora konsiderohet një mbështetje e fuqishme për kryetarin e Dragashit, duke reflektuar besimin e votuesve jashtë vendit në vazhdimin e udhëheqjes së tij.
