Bedri Hamza, kryetar i PDK-së, ka njoftuar se Shkumbin Demaliaj, ish-deputet i AAK-së, i është bashkuar PDK-së.
Hamza ka treguar se inciativa e Demaliajt, e quajtur “Demokracia”, është shkrirë në PDK.
“Partisë Demokratike të Kosovës, sot zyrtarisht i është bashkuar Iniciativa Qytetare “Demokracia”, e udhëhequr nga ish-deputeti Shkumbin Demaliaj. Shkrirja e saj në PDK është një hap i rëndësishëm në rrugëtimin tonë të përbashkët për forcimin e vlerave demokratike dhe angazhimin qytetar.
Vazhdojmë përpara me përkushtim dhe bashkëpunim për një Kosovë më të mirë!” – ka shkruar Hamza.
