Sipas degës së LDK-së në Rahovec, Sada është nominuar unanimisht për zgjedhjet e jashtëzakonshme parlamentare.
Dega e Lidhjes Demokratike të Kosovës në Rahovec ka bërë të ditur se unanimisht ka konfirmuar Hatmane Sadën si kandidate për deputete, së bashku me ish-kryeministrin Avdullah Hoti. Sipas kësaj dege, vendimi është marrë në kuadër të përgatitjeve për zgjedhjet e jashtëzakonshme parlamentare.
Dega e LDK-së në Rahovec thotë se Sada, e cila është pjesë e partisë që nga dita e parë, ka një karrierë të gjatë në strukturat e LDK-së dhe në institucionet publike. Po sipas degës, ajo është magjistre e Ekonomisë nga Universiteti i Prishtinës dhe ka përvojë në menaxhimin e projekteve, organizatave joqeveritare dhe fusha të tjera profesionale.
Në njoftimin e saj, dega e LDK-së në Rahovec thekson se Hatmane Sada ka marrë përgjegjësinë për të përfaqësuar LDK-në dhe Rahovecin në një moment delikat politik, duke qenë pjesë e listës së kandidatëve bashkë me Avdullah Hotin.
