“E shkeli me veturë, i dyshuari u arratis”: Historia e trishtë e Elvist Hasanit, që po trajtohet në QKUK

Një fëmijë 10- vjeçar është aksidentuar rëndë më 10 gusht në fshatin Bresje të Fushë Kosovës.

Elvis Hasani po lëvizte me biçikletë kur u godit nga një veturë. Sipas familjes, shoferi nuk u ndal për t’i ofruar ndihmë, ndërsa fëmija u dërgua në QKUK nga persona të tjerë.

Elvisi po trajtohet prej ditësh në QKUK, ndërsa familja e tij e varfër nuk ka mundësi të përballojë shpenzimet.

Babai i tij është i verbër, ndërsa nëna, Ibadete Hasani, apelon për ndihmë nga qytetarët dhe institucionet.