Kandidati i LDK-së për kryeministër, Lumir Abdixhiku, ka premtuar masa për uljen e çmimeve të produkteve bazike në Kosovë.
Përmes një videoje të publikuar, Abdixhiku tha se në rast se vjen në pushtet, do të hiqet TVSH-ja për disa produkte esenciale.
“Do të bëjmë çmos që të heqim jo vetëm TVSH-në në produkte bazike; miell, vaj, sheqer, bukë”, deklaroi ai.
Sipas Abdixhikut, qeveria e ardhshme do të synojë edhe uljen e çmimeve që janë rritur gjatë viteve të fundit.
“Do të ulim çmimet e rënduara në këto 5 vite”, u shpreh kandidati i LDK-së.
