Deputetja e Partisë Socialiste, Marjana Koçeku, ka njoftuar se nga sot do të veprojë si deputete e pavarur.
Përmes një reagimi publik, ajo theksoi se vendimi lidhet me bindjet dhe parimet e saj personale, duke deklaruar:
“Prej sot jam deputete e pamvarun. Idealet e vlerat e mia janë ato që i kam pasë e i kam shprehë qysh para se me u asociu me nji parti. Ato m’i diftojnë kufijtë.”
Koçeku thekson se idealet dhe vlerat e saj kanë mbetur të pandryshuara dhe se ato do të vazhdojnë të udhëheqin angazhimin e saj politik edhe jashtë radhëve të partisë. Sipas saj, ky është një vendim i marrë në përputhje me ndërgjegjen dhe parimet që përfaqëson./ShqiperiaPost
