Aleanca për Ardhmërin e Kosovës ka refuzuar ftesën e Albin Kurtit, kryeministër në detyrë, për t’u takuar.
Nacionale ka raportuar se Ardian Gjini, kryetar i AAK-së, ka hedhur poshtë ftesën për takim, duke ia përmendur sërish 6 kërkesat e AAK-së, të cilat janë parakushte për të qëndruar në sallë gjatë zgjedhjes së presidentit.
Në fund të letrës, kreu i Aleancës shprehet se, përderisa nuk ka përgjigje për këto pika, “Aleanca nuk sheh fare arsye që të takohemi në këtë format”, shkruan Nacionale.
