Klestor Veseli, djali i ish-kryetarit të Kuvendit dhe ish-pjesëtarit të UÇK-së, Kadri Veseli, ka folur pas protestës së mbajtur në Prishtinë në mbështetje të ish-krerëve të UÇK-së.
Ai ka thënë se familjet dhe mbështetësit e tyre nuk e kanë humbur besimin te bota perëndimore dhe te sistemi i saj i drejtësisë.
“Nuk e kemi humbur besimin te bota perëndimore, te drejtësia e tyre. Ne vetëm po kërkojmë korrigjim të një gabimi që ka qenë i zhytur në politikë”, ka thënë Veseli.
Sipas tij, kërkesa e tyre nuk është kundër drejtësisë perëndimore, por për korrigjimin e asaj që ai e cilësoi si një gabim të ndikuar nga politika.
