Djali i deputetit të LDK-së dhe ish-ministrit të Mbrojtjes, Anton Qunit, Dritoni, ka dhënë betimin ushtarak në Forcat e Armatosura të Kroacisë. Ceremonia u mbajt para dy ditësh dhe ka nxitur reagime, meqë Quni është deputet i Kosovës dhe ka udhëhequr më parë Ministrinë e Mbrojtjes.
Në një përgjigje për Gazetën Politika, Quni ka sqaruar se i biri ka edhe shtetësi kroate dhe se ishte i obliguar t’i përgjigjej ftesës për shërbim ushtarak, që zgjat dy muaj.
“Djalin tim e ka edhe shtetësinë kroate dhe e ka obligative me iu përgjigj ftesës për shërbim ushtarak dy muaj”, ka shkruar Quni.
Ai ka shtuar se Dritoni jeton dhe punon në Kosovë, ndërsa i ka uruar mbarësi në shërbimin ushtarak.
