
Liburn Aliu ka dhënë dorëheqje nga detyra e drejtorit të Autoritetit Portual të Durrësit, ka bërë të ditur “Euronews Albania”. Në vend të tij është emëruar Andrea Shllaku, që mbante deri më tash pozitën e zëvendësdrejtorit të përgjithshëm, shkruan KOHA.
Arsyet e dorëheqjes së Aliut nuk janë bërë të ditura dhe nuk ka ende një njoftim zyrtar për ndryshimin e drejtimit të Autoritetit Portual të Durrësit.
Dorëheqja e Aliut erdhi pas thirrjeve të kryeministrit të Shqipërisë, Edi Rama, për largim të drejtorëve rajonalë nga postet e tyre.
Aliu mori drejtimin e Portit të Durrësit më 28 tetor të vitit të kaluar. Ai kishte qenë ministër i Mjedisit, Planifikimit Hapësinor dhe Infrastrukturës. Dorëheqjen e dha nga ky post në gusht të vitit 2025.



