Prokuroria Speciale e Kosovës tashmë e ka konfirmuar se Besim Kelmendi, ushtrues detyre i kryeprokurorit, po intervistohet në lidhje me masakrën e Reçakut.
Në një përgjigje për Kohën, zëdhënësja e Prokurorisë Speciale, ka treguar se Kelmendi është ftuar si dëshmitar.
“Lidhur me çështjen për të cilën keni adresuar pyetje, Prokuroria Speciale mund t’ju konfirmojë se Ushtruesi i detyrës së Kryeprokurorit të Shtetit, z.Besim Kelmendi, është ftuar për intervistim në cilësinë e dëshmitarit, në kuadër të procesit hetimor lidhur me rastin për të cilin keni parashtruar pyetje. Prokuroria Speciale shpreh vlerësimin për gatishmërinë dhe kontributin që z.Kelmendi ka dhënë lidhur me zbardhjen e një cështjeje penale, që Prokuroria Speciale e ka në trajtim” – ka thën ajo.
