Ish-shefi i Grupit Parlamentar të PDK-së propozohet si kandidat për deputet nga dega e Pejës për zgjedhjet e 28 dhjetorit.
Ish-shefi i Grupit Parlamentar të Partisë Demokratike të Kosovës, Adem Grabovci, duket se po rikthehet në skenën politike. GazetaDemos ka mësuar se Grabovci është propozuar nga dega e PDK-së në Pejë si kandidat për deputet.
Përveç tij, edhe Xhavit Haliti është kandidati tjetër i propozuar nga e njëjta degë për zgjedhjet e jashtëzakonshme parlamentare që do të mbahen më 28 dhjetor.
65-vjeçari Grabovci është një nga bashkëthemeluesit e PDK-së dhe ka pasur një karrierë të gjatë politike, duke shërbyer si Zëvendës Ministër i Transportit dhe Telekomunikacionit që nga viti 2007, dhe si Ministër i Financave në qeverinë e përkohshme të Hashim Thaçit.
Ai është ish i burgosur politik dhe nismëtar i pajtimit të gjaqeve në vitin 1990, ku në shtëpinë e tij u nis karvani i pajtimeve, si dhe një nga themeluesit e UÇK-së dhe anëtar i Shtabit të Përgjithshëm.
