Britania përgjigjet ndaj kërcënimeve të presidentit rus, duke theksuar gatishmërinë mbrojtëse dhe unitetin e NATO-s.
Presidenti rus Vladimir Putin deklaroi të martën se “nëse Europa dëshiron të shkojë në luftë dhe e nis një të tillë, ne jemi gati që tani”. Këto komente provokuese u refuzuan menjëherë nga Downing Street, e cila i quajti ato “një tjetër mashtrim të Kremlinit nga një president që nuk është serioz për paqen”.
I pyetur nëse Mbretëria e Bashkuar është e përgatitur për një konflikt të mundshëm, zëdhënësi i Kryeministrit Keir Starmer nënvizoi se “investimi ynë në mbrojtje është i qartë për të gjithë” dhe se “forcat tona të armatosura janë gjithmonë të gatshme të mbrojnë këtë vend”.
Ai theksoi gjithashtu se vendet europiane mbeten “të bashkuara në mbështetje të Ukrainës” dhe se NATO është “gati t’u përgjigjet çdo kërcënimi me unitet dhe forcë”.
Në reagime të tjera mediatike, u kujtua edhe kuptimi i fjalës angleze “claptrap”, të cilën disa zyrtarë perëndimorë e përdorën për të përshkruar retorikën e Putinit. Sipas Fjalorit të Oksfordit, “claptrap” nënkupton një hile ose mashtrim teatror që synon të marrë duartrokitje nga publiku – një metaforë që nënvizon bindjen se deklaratat e Kremlinit janë më shumë propagandë sesa paralajmërime të vërteta.
