Lahi Brahimaj, kandidat i AAK-së për deputet, është pyetur në lidhje me këngën që i është kushtuar Albin Kurtit, kryetar i VV-së.
Brahimaj ka folur për të kaluarën e Kurtit.
Sipas tij, Kurti ishte vetëm një përkthyes në zyrën e Adem Demaçit.
“Ai nuk ka pranuar të jetë pjesë e UÇK-së. Unë e kam dëgju edhe komandant Remin, për të cilin kam respekt, komandant Sylejman Selimin, që kanë thënë që edhe ai është bashkëluftëtar i yni. Në fakt, ai në asnjë rrethanë nuk ka qenë ushtar, nuk ka pasur pushkë, në asnjë rrethanë nuk ka veshur uniformë. Në zyrën e Adem Demaçit ka qenë si përkthyes. Nuk ka pasur ndonjë pozicion në strukturat e UÇK-së…Nëse ky ka qenë ushtar i UÇK-së dhe ka dhënë dorëheqje…ai në fakt është dezertor” – tha Brahimaj.
