Ish-kryenegociatorja e Kosovës, Edita Tahiri, ka reaguar pas incidentit të sotëm në Kuvend, ku deputetja e AAK-së, Time Kadrijaj, hodhi vezë në drejtim të kryetarit të VV-së, Albin Kurti.
Tahiri ka bërë një krahasim mes së kaluarës së Kadrijajt dhe reagimit të Kurtit pas incidentit, duke e cilësuar dallimin mes tyre si “drastik”.
“Dallimi drastik – Time Kadrijaj kapi pushkën pa iu dridh qerpiku për çlirim e pavarësi – Albin Kurti e quajti sakrificë goditjen nga një vezë në parlament”, ka shkruar Tahiri.
Ajo e ka përfunduar reagimin me fjalët: “Patriotizmi vjen nga patriotët”.
Reagimi vjen pas tensioneve në seancën konstituive të Kuvendit, e cila u ndërpre pa përfunduar konstituimi i legjislaturës së 11-të.
