Komandanti i Forcës së Sigurisë së Kosovës, gjenerallejtënant Bashkim Jasharim është dekoruar me medaljen e arritjeve të larta të Gardës Kombëtare të Iowas dhe me urdhrin e Shën Mauricit, simbol i këmbësorisë.
Lajmi është bërë i ditur nga Forca e Sigurisë së Kosovës, që në Facebook ka postuar videon e dekorimit.
“Agjutanti i Përgjithshëm i Gardës Kombëtare të Ajovës, Gjeneralmajor Stephen E. Osborn, dekoroi Komandantin e Forcës së Sigurisë së Kosovës, Gjenerallejtënant Bashkim Jashari, me Medaljen e Arritjeve të Larta të Gardës Kombëtare të Ajovës dhe me Urdhrin e Shën Mauricit, simbol i këmbësorisë”, është njoftuar nga FSK përmes një videoje.
