Analisti politik Ilir Deda ka kritikuar qeverisjen aktuale, duke thënë se qeveritë e Albin Kurtit nuk kanë pasur aftësitë e nevojshme për qeverisje efektive.
Në emisionin “Adresa” në Kanal 10, Deda deklaroi se më herët e kishte cilësuar qeverinë Kurti si “mediokre”.
“Unë para dy vjetëve kam thënë se Albin Kurti e ka qeverinë mediokre, standard mediokër ballkanik”, tha Deda.
Sipas tij, qeverisja kërkon aftësi të tjera që, sipas tij, kabinetet e Kurtit nuk i kanë pasur.
“Qeveria kërkon tjetër lloj aftësish, të cilat qeveritë e kryeministrit tanishëm nuk i kanë pasur”, deklaroi ai.
Deda tha se Kosova ka problem me mungesën e njerëzve më të mirë në pozita kyçe shtetërore.
“Kosova ka problem që njerëzit e pushtetshëm nuk i marrin njerëzit më të mirë me i vendos në pozitat që duhet. Për shkak të kësaj, ne kolektivisht vuajmë”, u shpreh ai.
