Koalicioni mes Lëvizjes Vetëvendosje dhe Lidhjes Demokratike të Kosovës në Komunën e Mitrovicës është në një fazë të brishtë, pasi nuk ka marrëveshje për ndarjen e drejtorive.
Më saktë, ka mosmarrëveshje në lidhje me emrat se kush do të drejtojë ato.
Në lidhje me këtë temë ka folur Faton Peci, kryetar i Mitrovicës.
“Nëse z. Plakolli me tre për qind ka ambicie sa për nënkryetar e mandej drejtor e krejt ndërmarrjet komunale, unë i bëj me dije se me tre për qind jo qe nuk mundesh me marrë në drejtim institucionet kryesore, po me 3% as iPhone nuk punon”, theksoi Peci.
“Katër prej sosh që i kemi, nuk mundesh me 3% me pretendu me i marrë edhe përgjegjësinë ekzekutive, edhe kryesuesin, edhe drejtorët, e të kesh kërkesë edhe për nënkryetar edhe për katër ndërmarrje. Kështu që mendoj që njëherë e mirë ne si politikë duhet të edukohemi që edhe kërkesat t’i kemi në proporcion me fuqinë politike që e përfaqësojmë”, tha ai.
