Ministri i Punëve të Jashtme të Kosovës, Glauk Konjufca, ka arritur në objektin e Gjykatës Speciale në Hagë.
Konjufca tashmë ka hyrë brenda objektit, ku sot pritet të shpallet aktgjykimi ndaj ish-krerëve të UÇK-së.
Ai para se të futet në gjykatë tha se ishin dhjetëra figura ndërkombëtare që e dëshmuan luftën e drejtë mbrojtëse të popullit shqiptar të Kosovës.
“Ajo luftë u zhvillua nga UCK-ja, këtë ushtri e drejtoi shtabi i përgjithshëm dhe në këtë shtab kurrë nuk ka pasur asnjëherë ndonjë mekanizëm të përbashkët kriminal”, tha Konjucfa i cili gjithashtu u shpreh se Kosova pret vetëm një vendim, atë të aktgjykimit lirues.
