Kryetari i Lidhjes Demokratike të Kosovës, Lumir Abdixhiku, ka pritur në takim ambasadorin e Gjermanisë në Kosovë, Rainer Rudolph, me të cilin ka diskutuar zhvillimet politike pas zgjedhjeve dhe procesin e konstituimit të institucioneve të reja.
Sipas njoftimit të LDK-së, Abdixhiku ka theksuar rëndësinë e respektimit të proceseve demokratike dhe nevojën që vendi të ecë pa vonesa drejt krijimit të institucioneve funksionale.
Ai ka vlerësuar se menjëherë pas certifikimit të rezultateve duhet të nisë procesi i formimit të institucioneve të reja.
“Menjëherë pas certifikimit të rezultateve, duhet të ecet me përgjegjësi drejt formimit të institucioneve funksionale”, ka theksuar Abdixhiku.
Në takim, kreu i LDK-së ka shprehur gjithashtu mirënjohje për mbështetjen e vazhdueshme që Gjermania i ka dhënë Kosovës ndër vite.
