Ditën e kaluar, pra me 15 tetor, përmes një postimi publik në Facebook, Termokos njoftoi se ka nisur sezonin e ri të ngrohjes.
Në njoftim, Termokos shkruante se “Procesi i marrjes së avullit, prodhimit të energjisë ngrohëse dhe shpërndarjes në rrjetin e kogjenerimit është realizuar me sukses të plotë”.
“Por, me qëllim të ruajtjes së sigurisë së operimit të pajisjeve dhe funksionimin e qëndrueshëm të sistemit, furnizimi ka filluar me kapacitet të kufizuar, duke u rritur gradualisht. Procesi i marrjes së avullit, prodhimit të energjisë ngrohëse dhe shpërndarjes në rrjetin e kogjenerimit është realizuar me sukses të plotë” – shkruhej, ndër të tjera, në njoftimin e Termokosit, transmeton Gazeta Politika.
Sidoqoftë, dhjetëra qytetarë janë ankuar në komente në postimin e Termokosit.
“Ky proces ishte dashte te fillohet me kohe, qe ne konsumatoret te kemi nxemje sipas kalendarit me 15.10…” – shkruan qytetari Ismail Blakaj.
Një tjetër qytetare me emrin Rineta Obërtinca shkroi një koment, duke e cilësuar Termokosin si “dështaka”.
“Pse se keni nise me kohe e me u leshu me date 15,biles eshte dashte edhe me heret me leshu ne keto temperatura.
Ne prill po e ndalni fiks me daten 15,ne mengjes.
Deshtaka” – ka shkruar ajo.
“I gjithë procesi nuk ka rezultuar me sukses*” – ironizoi qytetari Veton Zejnullahu.
“Ne qender nuk ka nxemje e fatura nga data 15.10.2026!” – shkroi në komente Suzana Goranci.
“Pse gënjeni nuk ka nxemje asnjë troh. A faturen garant e llogarisni nga sot 15 tetor 2026” – shkroi Xhemail Mjekiqi.
“Pse genjeni o deshtaka…ulpiana vija ajrore 300 m…ende nuk ka nxemje.
Qysh sot ne mengjes eshte deshte te kemi nxemje” – ka shkruar Arsim Gërxhaliu, mjeku i njohur kosovar.
“NUK E KENI LSHU NXEMJEN, MOS RRENI!!!” – shkroi Denis Bajraktari, transmeton Gazeta Politika.
