Kadri Kryeziu, ish-gjyqtar në Gjykatën Kushtetuese, ka komentuar një deklaratë të Mimoza Kusari – Lilës, deputet e zgjedhur e Kuvendit, në lidhje me “mos bllokimin” e Kuvendit.
Kryeziu ka shkruar se zonja Kusari po gabon në interpretim.
“Aktgjykimet e Gjykatës Kushtetuese janë të qarta: Kuvendi mund të vazhdojë punën vetëm në rastin kur partia që ka të drejtën e nominimit për nënkryetar nuk e shfrytëzon këtë të drejtë. Por nëse Lista Serbe propozon kandidatë dhe ata nuk marrin shumicën e nevojshme të votave, procesi nuk konsiderohet i përfunduar. Do të doja të ishte ndryshe, por kjo është situata juridike reale” – ka shkruar Kryeziu, ndër të tjera.
