Bashkim Smakaj dhe Fadil Fazliu janë liruar me kusht në Kosovë më 10 shkurt 2026, pas rishikimit të fundit të masës së paraburgimit nga Gjykatësi i Vetëm i ngarkuar me gjykimin e çështjes kundër Hashim Thaçit dhe të bashkëtë pandehurve të tjerë.
Sipas njoftimit zyrtar, vendimi vjen në kuadër të procesit gjyqësor që përfshin Hashim Thaçin, Bashkim Smakajn, Isni Kilajn, Fadil Fazliun dhe Hajredin Kuçin, i njohur si “Çështja gjyqësore 12”.
Në vendimet e datës 3 shkurt 2026, Gjykatësi konstatoi se rrethanat kanë ndryshuar që nga rishikimi i fundit i paraburgimit në dhjetor 2025, duke vlerësuar se vazhdimi i mbajtjes së Smakajt dhe Fazliut në paraburgim nuk ishte më i arsyeshëm apo proporcional.
Megjithëse u theksua se ekziston ende njëfarë rreziku që, në rast lirimi, ata mund të pengojnë ecurinë e procesit gjyqësor, Gjykatësi arriti në përfundimin se e drejta e tyre themelore për liri peshon më shumë se këto rreziqe.
Të dy do të qëndrojnë në liri me kushte të përcaktuara nga gjykata, ndërsa procedurat gjyqësore ndaj tyre dhe të pandehurve të tjerë vazhdojnë.
