Presidentja e cilëson si gënjeshtër pretendimin për mbështetje nga Lëvizja Vetëvendosje.
Presidenca ka demantuar deklaratat se i janë ofruar nënshkrime dhe përkrahje nga Lëvizja Vetëvendosje për rizgjedhjen e saj si Presidente e Republikës së Kosovës.
Përmes një reagimi publik, këshilltarja e Osmanit e ka cilësuar këtë pretendim si të pavërtetë. “Kjo është gënjeshtër”, thuhet në reagimin e saj, duke mohuar se ka pasur ofertë zyrtare për nënshkrime apo mbështetje nga deputetët e kësaj partie.
Ky reagim vjen pas deklaratave të përfaqësuesve të Lëvizjes Vetëvendosje se i kanë ofruar 30 nënshkrime Presidentes për kandidim, pretendim që tashmë është hedhur poshtë nga vetë Osmani.
