Kandidatja e PSD-së për kryetare të Deçanit, Natyra Kuçi, ka qenë e ftuar në emisionin “Pressing” të T7, ku ka folur për situatën me aktivistët e partisë së saj.
Gjatë emisionit, Kuçi tha se vëllai i Bashkim Ramosajt, kryetarit të Deçanit, ka kërcënuar një aktivist të PSD-së.
“Në këtë moment që po flasim po më dërgon një aktivist i PSD-së një mesazh, çka po i thotë vëllai i Bashkim Ramosajt, unë nuk e lexoj këtë mesazh”, deklaroi ajo.
“Ky është stili i vëllait të Bashkim Ramosajt që thirr njerëz dhe kërcënon, 100% është e saktë, po e kërcënon një aktivist”, shtoi Kuçi.
