SHBA kërkon bashkëpunim mes partive për interesin e qytetarëve
Ambasada e Shteteve të Bashkuara në Kosovë ka deklaruar se po i ndjek nga afër zhvillimet e fundit politike në vend, pas procesit për caktimin e zgjedhjeve të reja parlamentare.
Në një përgjigje për Televizioni Dukagjini, një zëdhënës i ambasadës ka theksuar se vazhdimi i ngërçit politik po ndikon negativisht në besimin e qytetarëve ndaj institucioneve.
“Ne po i ndjekim nga afër zhvillimet. Ky bllokim i vazhdueshëm politik po dëmton besimin në institucionet e Kosovës”, thuhet në deklaratë.
Ambasada amerikane ka bërë thirrje që të gjitha grupet politike të bashkëpunojnë për të mirën e vendit.
“Do të donim të shihnim të gjitha grupet politike të bashkëpunonin për interesat më të mira të popullit të Kosovës”, përfundon reagimi.
