Sekretarja e PDK-së, Vlora Çitaku, ka reaguar ndaj deklaratës së kryeministrit në detyrë, Albin Kurti, se opozita ka nevojë për një “goditje” të re.
“Pra, Kurti thotë se opozita paska nevojë për një ‘goditje’ të re. Sinqerisht, marre po më vjen për ty”, shkroi Çitaku.
Ajo tha se qytetarët kanë probleme reale dhe jo nevojë për retorikë politike apo “armiq imagjinarë”.
Sipas saj, pensionistët, mësuesit, mjekët, policët, bizneset dhe mediat kanë nevojë për më shumë mbështetje dhe kushte më të mira.
“Këto janë hallet e qytetarëve. Jo propaganda, jo armiqtë imagjinarë, jo ‘goditjet’ politike”, deklaroi Çitaku.
