Këngëtarja shqiptare, Shkurte Fejza, ka bërë të ditur se gjatë qëndrimit në Shtetet e Bashkuara ka takuar ish-presidentin amerikan Bill Clinton.
Përmes një postimi, Fejza e cilësoi takimin si moment mirënjohjeje për rolin historik të Clintonit në çlirimin e Kosovës.
“Ky takim ishte më shumë se simbolik. Ishte një moment falënderimi dhe mirënjohjeje të thellë për gjithçka që Presidenti Clinton ka bërë për Kosovën”, shkroi ajo.
Fejza tha se angazhimi i Clintonit ishte vendimtar në ditët më të vështira për popullin e Kosovës.
“Pa atë angazhim vendimtar, liria jonë do të kishte një histori tjetër”, deklaroi ajo.
Ajo falënderoi gjithashtu komunitetin shqiptaro-amerikan për mbështetjen e vazhdueshme ndaj Kosovës.
“Shqiptaro-amerikanët janë zemra e gjallë e shqiptarizmës dhe shtylla e fuqishme e miqësisë së përhershme mes Kosovës dhe Shteteve të Bashkuara”, u shpreh Fejza.
Në fund, ajo tha se liria e Kosovës “mban edhe emrin e ndërgjegjes amerikane”.
