Mefail Bajqinovci, deputet i zgjedhur i VV, ka reaguar rreth një reagimi të BE për dekreditimin e mosrikthimit të prokurorëve të dorëhequr serbë.
Bajqinovci ka vlerësuar se reagimi i BE është i pakuptimtë.
Postimi i plotë:
Reagimi i BE-së për terheqjen e prokurorëve serbë është i pakuptimtë.
Po, Kosova është shtet dhe shoqëri multietnike. Kjo është e garantuar me Kushtetutën e Republikës së Kosovës dhe me ligjet që ne i respektojmë dhe i zbatojmë çdo ditë.
Por multietniciteti nuk nënkupton që dikush mund të braktisë institucionet me thirrje politike nga Beogradi dhe më pas të pretendojë rikthim, ligjet janë shumë të qarta. Sundimi i ligjit duhet të vlejë njësoj për të gjithë, pa dallim etnie.
Institucionet e Kosovës veprojnë mbi bazën e Kushtetutës dhe ligjeve të Republikës së Kosovës, jo mbi direktiva politike që vijnë nga jashtë.
Nëse BE-ja e mbështet shtetin e së drejtës, atëherë duhet t’i respektojë edhe vendimet që merren në përputhje me rendin kushtetues dhe ligjor të Republikës së Kosovës.
