Senatori amerikan Bernie Sanders ka reaguar për protestat kundër projektit turistik në Zvërnec të Shqipërisë, duke e lidhur atë me ndikimin e oligarkisë globale.
Në një postim, Sanders tha se mbi njëqind mijë njerëz kanë dalë në rrugë kundër një resorti luksoz që, sipas tij, dëmton rëndë mjedisin.
Ai përmendi edhe dhëndrin e presidentit amerikan Donald Trump, Jared Kushner, si pjesë e projektit.
“Në Shqipërinë e vogël, mbi njëqind mijë njerëz kanë dalë në rrugë kundër një resorti luksoz që dëmton rëndë mjedisin”, ka shkruar Sanders.
Sipas tij, projekti është planifikuar nga Jared Kushner dhe partnerët e tij miliarderë nga Katari.
“Kjo është fytyra e oligarkisë globale — dhe njerëzit po thonë JO”, deklaroi Sanders.
