Profesori Hysamedin Feraj ka reaguar pas zhvillimeve në Skenderaj dhe debatit rreth Sami Lushtakut, duke folur për respektimin e ligjit dhe sovranitetit të Republikës së Kosovës.
Feraj tha se kundërshtimi i ligjit të Republikës mbi baza territoriale dallon nga kundërshtimet politike qytetare.
“Kundërshtimi i ligjit të Republikës unike mbi bazë krahinore, territoriale, dallon esencialisht nga kundërshtimi i ligjit mbi bazë qytetare”, shkroi ai.
Sipas tij, kushdo që cenon integritetin territorial të Kosovës është kundër vlerave të UÇK-së.
“Kundër UÇK-së është kushdo, përfshirë Sami Lushtakun, që cënon integritetin territorial të Republikës”, deklaroi Feraj.
Ai shtoi se nëse dikush e konsideron veten sovran mbi ligjin brenda një zone të caktuar, atëherë krijon “njësi sovrane përballë Kosovës”.
Në fund, Feraj ngriti pyetjen: “A ka drenicak që për hir të Sami Lushtakut kërkon shkëputjen e Drenicës nga Kosova?”.
Postimi i tij i plotë:
Kundërshtimi i ligjit të Republikës unike mbi bazë krahinore, territoriale, dallon esencailisht nga kundërshtimi i ligjit mbi bazë qytetare.
Kundër UÇK-së është kushdo, përfshirë Sami Lushtakun, që cënon integritetin territorial të Republikës! Nëse Lushtaku po synon ndarjen e Drenicës nga Republika e Kosovës, nëse brenda Drenicës e njeh veten si sovran që bën ligjin, krijon kështu një njësi sovrane përballë Kosovës.
A ka drenicak që për hir të Sami Lushtakut kërkon shkëputjen e Drencës nga Kosova?
