Një nga kompanitë më të njohura në fushën e teknologjisë informative në Kosovë, InfoSoft Systems, ka kaluar zyrtarisht në TESSA Tech, duke u bërë pjesë e TESSA Group, një grup kompanish i krijuar për të adresuar nevojat në rritje të tregut në fushën e teknologjisë, sigurisë kibernetike dhe energjisë së qëndrueshme.
Ky transformim përfaqëson një hap strategjik në zhvillimin e kompanisë, duke ruajtur përvojën, ekspertizën dhe partneritetet e ndërtuara ndër vite, ndërsa zgjeron fokusin dhe kapacitetet e saj në nivel rajonal.
Me rrënjë që burojnë nga mbi 30 vite përvojë të grupit InfoSoft në rajon dhe më shumë se një dekadë aktivitet në Kosovë, TESSA Group ndërton mbi një traditë të gjatë të ofrimit të zgjidhjeve të avancuara për sektorin publik dhe privat.
Sot, TESSA Group operon përmes tri njësive kryesore të biznesit:
- TESSA Tech – e fokusuar në integrimin e sistemeve, infrastrukturën IT, qendrat e të dhënave, cloud, rrjetet, komunikimin, transformimin digjital dhe shërbimet e menaxhuara.
- TESSA Security – e specializuar në sigurinë kibernetike, monitorimin e kërcënimeve, menaxhimin e incidenteve, testimet e sigurisë dhe shërbimet e avancuara të mbrojtjes së informacionit.
- TESSA Energy – e përqendruar në zgjidhje inovative për energjinë e qëndrueshme, efikasitetin energjetik dhe teknologjitë që mbështesin tranzicionin drejt burimeve të pastra të energjisë.
TESSA Group përfaqëson më shumë se një ndryshim identiteti. Ajo reflekton një vizion afatgjatë për zhvillim, inovacion dhe partneritet, me synimin për të mbështetur organizatat në transformimin e tyre digjital, forcimin e sigurisë kibernetike dhe ndërtimin e një të ardhmeje më të qëndrueshme.
