Kryetari i Prishtinës, Përparim Rama, ka mbajtur një konferencë për media, ku ka vlerësuar se mospërfshirja e buxhetit të Prishtinës në Projektligjin për Ndarjet Buxhetore të Republikës së Kosovës është cenim i rendit kushtetues.
Rama ka theksuar se kjo përbën cenim të rendit kushtetues.
“Çdo ndërhyrje apo përjashtim arbitrar është shkelje flagrante e autonomisë lokale dhe e ligjeve për financat publike. Pasojat nuk janë teorike. Ato janë reale dhe të menjëhershme: bllokohen shërbimet publike për qytetarët, ndalen projektet kapitale, paralizohet funksionimi institucional i Kryeqytetit”, ka thënë ai.
Rama ka paralajmëruar se në ky projektligj miratohet, “atëherë ky ligj do të dërgohet në Gjykatën Kushtetuese, si dhe do kërkohet përgjegjësi nga secili autoritet i nivelit qendror i cili duke keqpërdorur detyrën dhe autorizimet ligjore synon ta sabotojë kryeqytetin”.
