Ermal Panduri, autor i emisionit ”Debat Plus”, ka shkruar një status, në të cilin ka shtruar disa pyetje.
Statusi lidhet me rastin tragjik të Daorsa Spahijës, studente nga Gjakova, që ndërroi jetë ditë më parë në Tetovë.
Panduri ka pyetur se pse shteti i Kosovës nuk po interesohet për ketë rast.
“A po bën mjaftueshëm shteti i Kosovës për të zbardhur se çfarë ndodhi me Daorsen? A është e pranueshme që një vajzë nga Kosova të vdesë në mënyrë misterioze në një shtet fqinj dhe institucionet tona të mjaftohen me heshtje e deklarata të përgjithshme? Drejtësia për Daorsen nuk është vetëm çështje familjare, është çështje e secilit prej nesh. Nëse heshtim sot, nesër mund të jetë vonë për një tjetër vajzë” – shkroi Panduri, transmeton Gazeta Politika.
