Është mbyllur për publikun seanca fillestare në rastin e “rezervave shtetërore” ku akuzohen ministrja në detyrë e Industrisë, Ndërmarrësisë dhe Tregtisë, Rozeta Hajdari, si dhe Irfan Lipovica, Hafiz Gara e Ridvan Muharremi, shkruan KOHA.
Gjyqtari Avni Syla e ka mbyllur për publikun seancën në emër të ruajtjes së informacionit të klasifikuar. Ai u ka tërhequr vërejtjen të gjithëve që nëse gjatë gjykimit zbulojnë informacion konfidencial në publik do të mbahen përgjegjës.
Ai tha se do të nxjerrë aktvendim të veçantë lidhur me këtë çështje.
