Augustin Palokaj, korrespondent i KOHA-s në Bruksel, ka folur për REL-in në lidhje me marrëdhëniet në mes Kosovës dhe BE-së.
Palokaj ka vlerësuar se Kosova është i vetmi vend që ka aplikuar për BE.
Sidoqoftë, Palokaj ka treguar se aplikimi nuk është shqyrtuar fare.
“Është i vetmi vend në Evropë që ka aplikuar për anëtarësim në BE, por aplikimi nuk është shqyrtuar fare dhe nuk ka as plan që të shqyrtohet. Nëse Kosova vazhdon me kriza të tilla të brendshme politike dhe nuk nxiton vetë, atëherë pse do të duhej të nxitonte BE-ja? Shtetet që edhe ashtu nuk janë të interesuara ta ndihmojnë Kosovën, do ta shfrytëzojnë këtë situatë për ta mbajtur vendin të margjinalizuar edhe në të ardhmen”, thotë Palokaj në Expose të REL.
