Shefi i GP i Aleancës për Ardhmërinë e Kosovës kritikon numrin e ministrive, i quan fiktive dhe të krijuara për të akomoduar njerez të partisë.
Shefi i Grupit Parlamentar të Aleanca për Ardhmërinë e Kosovës, Besnik Tahiri, ka kritikuar Qeverinë e Kosovës të udhëhequr nga Albin Kurti për numrin e madh të ministrive.
Në një konferencë për media, Tahiri ka prezantuar një analizë ku pretendon se kabineti qeveritar është i stërmadh dhe përfshin edhe ministri që, sipas tij, janë fiktive.
“Kabineti qeveritar i Kurtit është më i madh se i Indisë, Kinës e Pakistanit”, ka deklaruar ai.
Sipas Tahirit, krijimi i këtyre ministrive është bërë për të akomoduar njerëz të partisë në pushtet, duke e cilësuar këtë si një praktikë të gabuar në menaxhimin e institucioneve shtetërore.
