Arbërie Nagavci, shefe e grupit parlamentar të VV-së, ka folur në lidhje me zhvillimet politike në Kosovë, rrjedhimisht për çështjen e zgjedhjes së presidentit të ri.
Nagavci ka vlerësuar se këto ditë do të intesfikohen përpjekjet për të gjetur një zgjidhje për këtë temë.
“Kryeministri Kurti ka pasur takim me kryetarin e LDK-së, besoj që ai është duke vazhduar angazhimin maksimal të tij si kryetar i VV-së. Besoj që gjatë gjithë këtyre ditëve do të intensifikojë përpjekjet për të gjetur një zgjidhje, dhe presidenti të votohet brenda afatit që ka caktuar Kushtetuesja, jemi të bindur që vendit i duhet një president i zgjedhur në kuvend, zgjedhjet e reja nuk do të sjellin asnjë rezultat tjetër, janë të panevojshme”, deklaroi Nagavci.
“Kryeministri Kurti është duke bërë gjithçka është në mandatin e tij dhe jam e bindur që të do të trajtojë në mënyrën më të përgjegjshme të mundshme, shmangien e zgjedhjeve të reja”.
