Deputeti i sapozgjedhur Ilir Kërçeli ka reaguar ndaj kundërshtimit të gjashtë deputetëve të LDK-së për kandidaturën e Bekim Sejdiut për president.
Kërçeli ka kritikuar mundësinë që vendi të shkojë sërish në zgjedhje për shkak të refuzimit të marrëveshjes për presidentin.
“Për 6 të pakënaqur, duhet të dalin prapë 900 mijë qytetarë me votu, a?”, ka shkruar Kërçeli.
Reagimi i tij vjen pasi gjashtë deputetë të LDK-së janë deklaruar se nuk do ta votojnë Bekim Sejdiun për president, duke vënë në pikëpyetje sigurimin e votave të nevojshme për zgjedhjen e tij.
Në rast se procesi për zgjedhjen e presidentit dështon dhe nuk arrihet një zgjidhje tjetër politike, vendi mund të shkojë drejt zgjedhjeve të reja.
