Artan Behrami, deputet i zgjedhor i PDK, ka kërkuar hetim për votat e diasporës.
Ai ka kërkuar që ruhet integriteti i zgjedhjeve.
Postimi i plotë:
Prokuroria duhet të hetojë dyshimet mbi votat e diasporës
Gjatë gjithë procesit të numërimit kam pranuar shumë ankesa nga numëruesit për zarfa të hapur, zarfa të dyshimtë dhe dyshime për manipulim të votave të diasporës.
Prokuroria duhet të zhvillojë një hetim të plotë dhe gjithëpërfshirës për çdo mundësi të keqpërdorimit apo manipulimit të votave të diasporës.
Po ashtu, ftoj të gjithë ata që kanë parë, verifikuar apo kanë informacione për parregullsi të tilla, që t’i raportojnë ato tek institucionet kompetente.
Integriteti i procesit zgjedhor duhet të mbrohet dhe çdo dyshim duhet të sqarohet përmes një hetimi transparent.
