Kreu i PDK-së, Bedri Hamza, ka kundërshtuar arsyetimin e kryeministrit në detyrë, Albin Kurti, për ndarjen e 2 milionë eurove për subvencionimin e fluturimeve të diasporës.
Në emisionin DPT te Fidani në Klan Kosova, Hamza tha se buxheti i shtetit po përdoret për blerje votash.
“Buxheti është duke u abuzuar e duke u përdorur edhe për blerje të votës. Po, po, paraja publike është duke u përdorur për blerje të votës”, deklaroi Hamza.
Ai kritikoi edhe mënyrën se si janë shpenzuar mjetet publike gjatë viteve të fundit.
“Me paratë që janë shpenzuar për 5 vjetët e fundit, kemi mundur ta bëjmë një termoelektranë të mirë”, u shpreh ai.
Hamza shtoi se Kosova ka nevojë për kapacitete të reja energjetike.
