Kandidatja për Prishtinën ndan një moment familjar nga dita e zgjedhjeve, duke theksuar pjesëmarrjen e prindërve të saj si votues të rregullt.
Kandidatja për kryetare të Prishtinës, Besa Shahini, e ka ushtruar sot të drejtën e saj për votë në shoqërinë e prindërve. Në një postim në rrjete sociale, ajo ka ndarë një fotografi dhe ka shkruar: “Vizitë tek prindërit!”, duke treguar anën e saj të ngrohtë familjare në ditën e zgjedhjeve.
Shahini ka shtuar me krenari se prindërit e saj janë votues të rregullt dhe nuk kanë munguar në asnjë palë zgjedhje. Postimi i saj është pritur me shumë reagime pozitive, ndërsa ndjekësit e kanë përgëzuar për mesazhin e përgjegjësisë qytetare dhe për shembullin e mirë që jep për pjesëmarrjen në proceset demokratike.
