Ministria e Jashtme paralajmëron pasoja dhe thekson të drejtën për vetëmbrojtje.
Emiratet e Bashkuara Arabe kanë dënuar sulmet iraniane në territorin e tyre, duke i cilësuar ato si një kërcënim serioz për stabilitetin rajonal.
Ministria e Jashtme e Emirateve tha se sulmet përbëjnë shkelje të përsëritura nga ana e Iranit dhe paralajmëroi për pasoja nëse veprime të tilla vazhdojnë, raportoi Reuters.
Në deklaratë thuhet se Emiratet e Bashkuara Arabe vazhdojnë të nxisin diplomacinë për uljen e tensioneve, por njëkohësisht rezervojnë të drejtën për të mbrojtur veten dhe sigurinë e tyre.
