I dërguari i posaçëm i presidentit amerikan për misione të veçanta, Richard Grenell, ka kritikuar Kosovën për moskonstituimin e Kuvendit brenda afatit të përcaktuar me Kushtetutë.
Grenell ka reaguar të mërkurën përmes një postimi në rrjetin social “X”, duke ngritur pyetjen se kush në Kosovë po e mbron Kushtetutën, shkruan Telegrafi.
“Kush po e mbron Kushtetutën në Kosovë? Kushtetuta është e qartë: Kuvendi duhet të konstituohet brenda 30 ditësh nga certifikimi i rezultateve të zgjedhjeve. Është dita e 50-të”, ka shkruar Grenell.
